4 июль көнне Кама Тамагы районы Кирельск авылында урнашкан балалар сәламәтләндерү лагере үз эшен башлап җибәрде. Беренче көнне 53 бала килеп урнашты, 7 июль көнне тагын 20 бала килүе көтелә, дип хәбәр итте смена директоры Нина Савельева. Смена 25 июль көнне тәмамланачак.
Зәй астында булган юл һәлакәте сәбәпле, экскурсияләр әлегә оештырылмый торачак. Әмма Лагерь җитәкчелеге һәм мәгариф бүлеге балаларның куркынычсыз яллары өчен барлык чараларны да күрәчәгенә ышандыра.