Кама Тамагы муниципаль районының авыл җирлекләрендә гражданнар җыелышлары башланды

   19 гыйнвардан башлап  Кама Тамагы муниципаль районының авыл җирлекләрендә  гражданнарның отчет җыелышлары башланды.

   Беренче җыелышлар Олы Карамал авыл җирлегенең Бәрлегуҗа авылында һәм Уразлино авыл җирлегенең Кече Карамал авылында узды. Анда Кама Тамагы муниципаль районы Башлыгы Павел Лоханов, МР Башлыгы урынбасары Газинур Габидуллин, район Башкарма комитеты җитәкчесе Алмаз Насыйров, район Башкарма комитеты җитәкчесенең социаль мәсьәләләр буенча урынбасары Елена Сороковнина, район Башкарма комитеты җитәкчесенең икътисад мәсьәләләре буенча урынбасары вазифаларын башкаручы Иван Леонов, шулай ук район предприятиеләре һәм оешмалары җитәкчеләре һәм вәкилләре.

   Көн тәртибе буенча беренче булып гражданнар алдында муниципаль берәмлек башлыклары – Эдуард Байдамшин (Олы Карамал авыл җирлеге) һәм Мөнир Хәмидуллин (Уразлино авыл җирлеге) чыгыш ясады. Шулай ук һәр авыл җирлегендә полициянең участок вәкилләре райондагы оператив халәт, авыл хуҗалыгы бүлекчәләре җитәкчеләре 2016 елгы эш нәтиҗәләре турында сөйләделәр. Кама Тамагы авыл хуҗалыгы һәм азык-төлек идарәсе җитәкчесе  Илфат Вәлиев "Халыкның эшлекле активлыгын арттыру һәм хуҗалык итүнең кече формаларын үстерү" дип исемләнгән презентация  тәкъдим итте.  МУП "Уют" директоры Сергей Иванов халыкны  2017 елга авыл җирлекләрендәге су тарифлары белән таныштырды.  Җыелыш ахырында "Муниципаль район территориясендә 2015-2016 елларда республика программаларын  гамәлгә ашыру һәм планлаштырылган социаль-икътисадый үсеш чаралары"  буенча Кама Тамагы муниципаль районы Башлыгы Павел Лоханов чыгыш ясады.