ЯҢАЛЫКЛАР

    1 июнь көнне Район мәдәният йортында Кама Тамагы муниципаль район башлыгы Павел Лоханов катнашында Халыкара балалар көненә багышлап “Талантлар парады” исемле чара үтте. Әлеге чарада Республика олимпиадаларында, иҗат бәйгеләрендә, фәнни-практик конференцияләрдә, Бөтенрәсәй һәм Республика күләмендәге спорт ярышларында әйбәт нәтиҗәләргә ирешкән спортчыларны котладылар. 

    Бүген Вәлиәхмәтова Саимә Вәлиәхмәт кызына 95 яшь тулды. Әлеге олуг юбилее белән аны Кама Тамагы муниципаль район башлыгы Павел Лоханов, социаль мәсәләләр буенча муниципаль район Башкарма комитеты җитәкчесе урынбасары Елена Сороковнина, Олы Бортас авыл җирлеге башлыгы Радик Сәъгдиев котладылар. Юбилярга изге теләкләрен җиткерделәр, чәчәк бәйләме, истәлекле бүләк һәм Россия Президенты В.В.Путинның котлау открыткасын тапшырдылар.

     Сезне чын күңелемнән Халыкара балаларны яклау көне белән котлыйм. Балалар – безнең зур байлыгыбыз. Тормышыбызның мәгънәсе, киләчәк өметебез. Бу көн безгә һәр бала язмышы өчен җаваплылык турында искәртә, аларның рухи һәм физик үсеше өчен шартлар тудырып, кайгыртып яшәү безнең бурычыбыз.