Ана капиталы акчаларын кулга алу - законсыз
Интернетта Ана капиталы акчаларын кулга алу буенча реклама тәкъдимнәре урнаштырыла. Бу законсыз. Татарстан Республикасы Кама Тамагы һәм Апас районнары буенча Россия Пенсия фонды идарәсе дәүләт ана капиталы акчаларын максатчан файдалануны контрольдә тота дип искәртә.
Ана капиталын кулга алуның теләсә нинди схемалары законсыз санала һәм хокук саклау органнары тарафыннан чикләнә. Әгәр сертификат хуҗасы ана капиталы акчаларын максатсыз файдалану схемаларында катнашырга ризалашса, ул хокукка каршы акт ясауга бара һәм җинаять кылуда катнашучы дип танылырга мөмкин.
Гариза бирүчеләр тәкъдим иткән мәгълүматларның дөреслеген тикшерү максатыннан, Россия Пенсия фонды органнары һәр кабул ителгән гариза буенча, шәхескә карата аңлы җинаять кылу фактлары турында хокук саклау органнарына мөрәҗәгатьләр җибәрү юлы белән тикшерү үткәрә. Моннан тыш, ата-ана хокукыннан мәхрүм итү, ата-ана хокукларын чикләү, уллыкка алуны гамәлдән чыгару турында мәгълүмат алу максатыннан ЗАГС, опека һәм попечительлек органнарына мөрәҗәгатьләр җибәрелә.
Моннан тыш, ялган килешүләр буенча Ана капиталы акчаларын җибәрүне төшереп калдыру өчен – яшәү өчен яраклы булмаган торак сатып алу өчен Россия Пенсия фонды тарафыннан торак сатып алынган муниципалитетлар белән хезмәттәшлек җайга салынган. Кайбер муниципаль берәмлекләрдә торак биналарны тикшерү белән шөгыльләнүче ведомствоара комиссияләр эшли, ә Росреестрның Татарстан Республикасы буенча идарәсе белән элек ана капиталы акчаларына сатып алынган торакны яңадан сату очраклары турында мәгълүмат алмашу турында килешүгә ирешелде.
Мөрәҗәгать итүчеләр тарафыннан ачыкланган барлык очраклар буенча дөрес булмаган мәгълүмат, шулай ук ана капиталы акчаларын куллануга бәйле җинаятьләр кылу турында хәбәрләр бирү буенча мәгълүмат хокук саклау органнарына җибәрелә.
Пенсия фонды җитәкчесе И. И. Гыйльметдинов