5 март көнне Кама Тамагы татар урта мәктәбенең 3-4 сыйныф укучылары белән Туган якны өйрәнү музее хезмәткәрләре 8 нче мартка багышлап “Әнигә бүләк” дигән чара уздырды. Балалар бик кызыгып күчермә буенча открытка кистеләр, ә Гөлчәчәк Гыймадиева кайсын ничек ябыштырырга кирәклеген күрсәтә барды. Открытка уртасына кызыл төстәге йөрәк сүрәте ябыштырдылар, эшләреннән бик канәгать калдылар. Чара ахырында открыткаларны кулларына тотып фотога төштеләр.